Innerlike Genesingskursus: Kies die Lewe (Zoom)

Jy is dalk al so verwond van onverwerkte trauma en wonder hoe jy ooit uit hierdie kraaines van seer sal kom. Jy wil vlug van jou probleme … net weg van alles. Jy neem jouself voor om die regte ding te doen, maar dan bevind jy jouself presies weer terug in die moeras waar niks uitwerk nie. Jou verhoudings lei daaronder en die besluite wat jy neem werk nooit uit nie.

Jy hoef nie meer oorweldig te voel deur onverwerkte trauma wat vrees, angs, verwerping, ’n swak selfbeeld of depressie veroorsaak nie. Jy kan klaarmaak met die emosionele snellers wat jou daagliks geestelik, emosioneel en fisiek dreineer?

Ons nooi jou uit na Kies die Lewe, ’n kragtige innerlike genesingskursus gebaseer op die boek deur dr. Leonie Pretorius. Oor elf sessies kombineer ons teoretiese insigte en praktiese toepassings om jou te help om heel te word.

In hierdie kursus kyk ons na die siel – die plek waar sielswonde skuil – en ons leer hoe die onderbewussyn en bewuste denke met mekaar kommunikeer en snellers veroorsaak. Jy sal leer hoe om hierdie uitdagings te hanteer met verantwoordelikheid teenoor God, jouself en jou medemens.

Ons hanteer die oorsake, simptome van vrese, verwerping en depressie, en vertrou die Heilige Gees om, saam met jou gewilligheid, volledige genesing te bring.

Alles begin altyd by God wat jou Helper is. Jy sal Sy diep liefde vir jou ontdek en Sy hart om ‘n lewende liefdesverhouding met Hom te hê. Al wat ons moet doen is kies – kies om God te vertrou, kies om die lewe wat Hy vir jou beplan met Sy hulp te lewe, en kies om oor te gee aan jou God wat jou wil genees en vrymaak van seer.

Deuteronomium 30:19 Ek neem vandag die hemel en die aarde as getuies teen julle; die lewe en die dood, die seën en die vloek het ek jou voorgehou. Kies dan die lewe, dat jy kan lewe, jy en jou nageslag.

Hierdie kursus lei jou om as ’n nuwe, heel en sterker mens op te staan in jou identiteit in Christus. Is jy gereed om jou reis na genesing te begin? Sluit aan by ons kursus en vul vandag nog die registrasievorm hier onder in!

AANLYN REGISTRASIE

Bepalings en Voorwaardes

Ek aanvaar dat hierdie kursus 'n Bybelgebaseerde kursus is.
Ek aanvaar dat die gevolgtrekking van hierdie kursus van my eie pligsgetrouheid en bywoning afhang.
Registrasies is slegs geldig indien bewys van betaling voor of op 30 Mei 2025 ontvang is. Registrasiefooie (R600) is vooruit betaalbaar, en daarna moet die res van die kursus in vier paaiemente betaal word: R600 teen 30 Junie 2025, R600 teen 30 Julie 2025, R600 teen 30 Augustus 2025, en R600 teen 30 September 2025. Jy is ook welkom om die volledige koste van R3 000 eenmalig te betaal teen 30 Mei 2025.
Opsioneel: Indien jy 'n sertifikaat vir die voltooiing van hierdie kursus wil ontvang, is 'n ekstra fooi van R200 teen 30 Oktober 2025 betaalbaar. Hierdie fooi sluit deur-tot-deur aflewering en koerierkoste in.
Jy sal 'n faktuur binne 48 uur ná registrasie via e-pos ontvang.
Geen fooie is terugbetaalbaar nie.
'n Handleiding en koerierkoste is ingesluit by die kursusfooi. Maak asseblief seker dat jy die korrekte adres en kontakbesonderhede verskaf vir die aflewering van jou handboek. Trinity Truth Foundation aanvaar geen verantwoordelikheid vir verlore besendings indien foutiewe inligting verskaf is nie.
Sertifikate sal slegs uitgereik word indien alle werkstukke betyds ingehandig word. Die fasiliteerder sal die sperdatums in die Zoom-sessies bespreek. Jy kan besluit of jy hierdie kursus slegs vir jouself en jou eie innerlike genesing en kennis wil voltooi, en of jy 'n sertifikaat wil ontvang; waarna jy ook die Wees Lig-kursus kan voltooi en 'n pastorale beradersertifikaat kan ontvang.
Ek neem kennis dat ek toegang tot Zoom benodig vir hierdie kursus.
Ek gee toestemming aan Trinity Truth Foundation om my op 'n WhatsApp-groep te plaas waar admin alle nodige en ekstra inligting met die groep sal kommunikeer.
Ek aanvaar dat alle handleidings en kursusinhoud se kopiereg aan Hosanna en/of Trinity Truth Foundation behoort.