Getuienisse

Ons moedig jou aan om jou getuienis te deel oor hoe Trinity Truth Foundation jou lewe beïnvloed het. Jou storie is dalk net wat iemand anders moet hoor om hoop, bemoediging of selfs redding te vind. Deur ons geloof en genesingspad, en deur hierdie getuigskrifte te deel, kan ons ander inspireer op hul eie reise van transformasie.


Neem 'n oomblik om deur die getuienisse wat deur ander gedeel is hier onder te lees. Laat hulle woorde dien as 'n herinnering dat ons nie alleen is in ons stryd of triomf nie. Saam kan ons God se goedheid vier en Sy waarheid met die wêreld deel. Mag jou getuienis 'n baken van lig wees vir diegene wat dit die nodigste het.


Skaam jou dan nie oor die getuienis van onse Here of oor my, sy gevangene nie, maar ly saam verdrukkinge vir die evangelie na die krag van God. ~ 2 Timoteus 1:8


En hulle het hom oorwin deur die bloed van die Lam en deur die woord van hulle getuienis, en hulle het tot die dood toe hulle lewe nie liefgehad nie. ~ Openbaring 12:11


Deel jou storie ...

42 entries on 5 pages
Louise Engelbrecht
07/10/25 18:10:48
Kies die Lewe kursus het my lewe ten goede verander op verskeie vlakke. Ver bo dit wat ek ooit kon voor bid of dink.
Aan die einde van 2023 is ek in die hospitaal opgeneem en was totaal uitgebrand. Hier was ek, as ñ dosent en bedryfsielkundige op ñ plek waar ek nooit ooit kon dink ek sou wees nie. Die verskriklikste pille, wat ek kon voel steel my identiteit op so manier dat ek nie kon werk, dink, skryf of selfs bid nie. Na my onstlag uit die hospitaal kon ek nie verder die pille drink nie. Intussen is my pa wat vir ñ baie lang tyd siek was oorlede. Op ñ manier bestuur God dit so dat ek die Kies die lewe advertensie op Facebook sien en ek skryf in. Intussen sien ek die Psigiater wat my opgeneem het, en ek sal nooit sy antwoord vergeet toe ek vra "Wat het my in die hospitaal laat beland?
Ek weet nie, Louise, sal ons ooit weet?
Kies die Lewe kursus het my die antwoord deur die Heilige Gees gegee. Vrees vir die sterfteproses. Skielik het als sin gemaak. My pa was so, siek, ek was so bang hy gaan dood. Dis dit. Daarna kon ek vrede maak, en die leuen van vrees weerstaan, en glo dat God ons nie ñ gees van vreesagtigheid gegee het nie, maar van krag, liefde en selfbeheersing. Wat nog meer ongelooflik is, is dat ek ingeskryf het vir die Wees Lig kursus, en God het my as instrument gebruik om sterwensbegeleiding te kon doen in die hospitaal by my tannie se sterfbed. Dit wat die vyand wou gebruik het om te verwoes, het Jesus gebruik deur die Heilige Gees om my te kom genees en so ook ander te kon bemoedig.
Loure Bosch
29/05/25 07:21:11
N kursus wat absoluut die moeite werd is om te doen.
Ons almal dra seer en onverwerkte trauma saam ons, maar ek dink nie ons besef werklik hoeveel ons daarvan saam dra tensy ons so kursus aanpak nie.
Ek is nou halfpad met myne, en al wat ek kan sê is "what a journey".
Ek is nie n oomblik spyt ek het dit begin nie, en sien so uit daarna om hier uit te stap, gesond.
Ek het nog altyd gedink meeste van my trauma en hartseer kom van twee spesifieke gebeurtenise in my lewe, maar met elke sessie krap Caren so bietjie dieper en wys die Heilige Gees nog bietjie meer areas wat jy aan moet werk.
Sluit aan by die kursus, as jy voel jy het n "ou ietsie" wat jy nog nie verwerk het nie, glo my, die Gees gaan vir jou baie meer gee.
Jy dink jy werk net aan trauma, maar eindig op om soveel ander emosies en gevoelens gesond te maak.
As ouer, help die kursus jou ook en sien jy nou dinge anders en hoe jou optrede teenoor jou kinders ook soms verander moet word.
Nie net werk ek aan n gesonder ek deur die kursus nie, maar ook aan n gesonder mamma weergawe.
Die kursus is elke emosie, elke sessie, en elke sent werd!
Suzaan Van Zyl
14/01/25 18:38:18
Ek is baie dankbaar, dat ek die Innerlike Genesings Kursus kon doen. Dit het regtig my lewe verander, en groot deels my gehelp om deur my vrese te werk en dit aan te vat met die Here se krag. Die Here het my hand gevat in kursus en ons het saam deur baie hartseer gewerk, ek voel vernuwe in myself, en het weer hoop! Dankie Carin vir die ongelooflike leading wat jy vir ons gegee het deur die kursus ek beveel dit regtig aan.
Marissa Griesel
12/01/25 19:48:43
Die innerlike genesings kursus was 'n fantastiese ervaring. Ek het so baie geleer oor myself en oor genesing. Elke sessie was die beginpunt van selfo dersoek wat gelei het tot genesing saam met God.

Waarlik die beste besluit wat ek nog geneem het!
Fransie vd Westhuizen
14/11/24 15:53:22
In elkeen van ons is die Genadegawes ingeweef, maar min van ons besef werklik wat dit is of hoe om dit werklik uit te leef soos God bepaal het. Die vyand het ons oor die jare so mislei en so bly ons soekend na ons roeping. Hierdie Woordgebaseerde kursus, het my baie oor myself geleer, ñ dieper insig, persoonlike geestelike groei en nuwe openbaringe gegee om in my roeping te begin opstaan, dit uit te leef in Jesus Christus en so ook my medemens beter te dien en te verstaan.
Elke persoon kan in vele opsigte baat vind by hierdie kursus.
Baie dankie Carin en Francois. Julle is ñ puik span.
Martie Van Dam
14/11/24 13:44:32
Ek is rêgtig baie dankbaar dat ek die Genadegawes kursus gedoen het. Carin het die vermoë om op persoonlike vlak haar 'kursusganger' in te trek en, gehoorsaam aan die HG, die gawes op 'n unieke wyse aan die persoon oor te dra. Ek het elke woord aanvaar, as vanaf ons Here, wat vrymakend en helend is. Ek geniet nou 'n dieper verhouding met God, en vanuit hierdie plek het ek die moed gehad om my getuienis met ons bybelstudiegroep te deel. Die genadegawes kursus het dit wat reeds deel van my was, bevestig. My getuienis is nou 'n seëning vir my persoonlik en motiveer ander om ook vrymoedigheid te hê om vrylik te deel en ons Heer al die eer te gee. Dankie Carin!
Amanda Taljaard
09/07/24 19:21:25
Carin en Francois , baie dankie vir al die harde werk & moeite met die Genadegawe-kursus van 2024. Dankie vir julle entosiasme & openbaringskennis wat julle met ons gedeel het. Julle is waarlik lief vir Abba Vader, Jesus & Heilige Gees. Mag Abba julle seën met d keur v Sy rykste seëninge. Mag julle jul genadegawes ten volle uitleef in Christus Jesus. Shalom, Shalom! 🕊️
Connie Fraser
08/07/24 17:03:32
Is jy nog nie seker wat jou genadegawes is en waarvoor jy geroep is nie? Doen hierdie kursus by Carin Myburgh. Jy sal nie spyt wees nie! Ek het vir baie jare rond gedwaal en tyd gemors omdat ek altyd wou doen wat ander doen. Dit het my BAIE ongelukkig gemaak en het kosbare tyd en wysheid by my gesteel. Nadat ek hierdie kursus gedoen het, het als sin gemaak en het dit gevoel of ek kan ontspan. Ek weet nou met sekerheid wat ek geroep is voor! Hierdie is suiwer Woord en baie wysheid word deur die Heilige Gees openbaar! Jy sal nie spyt wees nie.
Elmarie Booysen
04/07/24 05:17:23
Genadegawes Kursus. Uitstekende kursus! Sal dit weer en weer doen! Dankie Carin, ek weet met hierdie kursus gaan nog baie mense se lewens radikaal verander sodra hul weet wat hul roeping in die lewe is!
Danelle Pretorius
04/07/24 05:15:34
Baie dankie Carin dat jy God se wil en woord vir my lewe so mooi en onder die leiding van die Helige Gees kom oopbreek het. Ek is dankbaar dat ek kon deelhê aan hierdie briljante kursus, dit het my n totale nuwe uitkyk gegee en my weer opgewonde gemaak oor my lewe in Christus
Show: 5  10   20

Video Getuienisse

Getuienis: Louré Bosch (Kies die Lewe)

Getuienis: Simoné Funchal (Kies die Lewe)

Getuienis: Chantal Malan (Kies die Lewe)

Getuienis: Estie Strydom (Kies die Lewe)

Getuienis: Kies die Lewe - Aletta Bethell

Getuienis: Kies die Lewe (Vrees) - Ivonne Bergh

Getuienis: Kies die Lewe (Vrees) - Nadine Thompson

Getuienis: Kies die Lewe - Francois Terblanche

Getuienis: Kies die Lewe (Vrees) - Patricia Viljoen

Getuienis: Kies die Lewe (Depressie) - Patricia Viljoen